أنا..وابني..والكوازاكي..مشار كتي بتجارب نورت حياتي

[سندرله]

السلام عليكم ورحمة الله وبركاته
في يوم من فصل الخريف اشتكى عمورة من سخونة واسهال فقلت لحا لي انو اخد شوية برد ودفيته وحميته عن الاكل بس لبن وبطاطا مسلوقة
بس اليوم التاني زادت حرارته وطلع طفح بجسمه
فما استنينا اخدناه انا وابوه علمشفى)(عمورة بهادى الوقت عمره 3ونص)
اعدنا بشمفى حقل 3ايام والحرارة دايما 40 ماتنزل الا شي بسيط بالكمادادت وتحميل سخونة كل اربع ساعات
وعملولو كم تحليلي بس ما فهمو شي عليه
فحولونا علمشفى الاميرخالد بتبوك وراح ابني حبيبي بسيارة الاسعاف لحاله مع ممرضة)(ما قدرت اطلع معو لانو كان معي اخوه يلي عمرة 1سنة
مع اني كنت وراه بالسيارة بس طول الوقت عم ابكي لوصلنا علمشفى
حطونا بغرفة لحالنا)(بما انو ماعرفو شو المرض فخافو ابني ينقل العدوى وانا واخوة معو بالغرفة
صراحة هون دقت اسوأ ايام حياتي
ابني زادت حالتو سوء حرارته فوق 40 وصار معو احمرار بالعيون وباللسان وارتخاء بالمفاصل والطفح زاد اكتر
كل يوم على مدار 4ايام تحاليل تصوير
يوم اخدو خزعة من النخاع الشوكي شكو انو يكون معو حمى شوكية
ومرة صورو مفاصلة ,ومرتين عملوو تصوير لراسه
وكل يوم كانو يعملوتحليل للدم والبول )(وانتو بكرامةدوية
ومن كترما حطولو سيروم بايديه الصغار واختبار للمضاد الحيوي
ايديه ما عاد فيها مكان لفتح وريد جديد
فصارو يحطو برجليه )(الحمد لله
وانا كنت بحالة لا يعلم فيها الا الله
بالغربة لوحدي ومعي ابني التاني وكل ما شوف عمورة عم يفحصوه وياخدوه للصور والتحاليل حس قطعة من قلبي راحت معن
وخايفة ما ترجع
حتى انو وقت يجو يحللو دم انهار ومرة فقدت الوعي )(الحمد لله دائما وابدا
المهم بعد ما خلصو من كل هالفحوصات جمعو كل الاعراض وطلع معن انو ابني منصاب بمرض (الكوزاكي)
حتى انو كانت صديقتي دكتورة اطفال قالتلي نحنا بناخده باخر سنة اختصاص باخر الكتاب\
سبحان الله العلي العظيم
جابو العلاج وكان عبارة عن جهاز يوضع فيه ابرة كبيره ومباشرة على الوريد متل السريوم وسبحان الله المرض نادر فصار كل دكتور ودكتورة بالمشفى يمر ليشوف ابني)(الحمد لله
اخد العلاج والحمد لله بان عليه الشفاء
بعد 3ايام اجى علمشفى اخصائي قلب اطفال
دقو عليي الباب الساعة 9 الصبح وقالو بدنا عمر جهزيه
طبعا انا جهزتو وحملت اخوه ورحت معو
جلس الطبيب يفحص قلبو وامامه 4 دكاترة وكلن عم يحكو انكليزي
وانا الحمد لله بعرف انكليزي بس طبعا مو المصطلحات الطبية فرحت ركض على غرفتي ودقيت لعند جوزي يجي بسرعة وقلتله ابنك معو شي بقلبه)(ابوه دكتور بس ما بيسمحولو يضل معي الا بأوقات محددة
وبالفعل طلع ابني معو توسع بشريانين بقلبه)(لانو كل 10 اطفال بينصابو بهدا المرض بينصاب 1 بمشكلة بقلبه بيخلفلو ياه المرض
هون انا وابوه انهرنا تماما
وحكى ابوه مع اخوه باميركا بدو يطلعو لهونيك
او ننقلو للسعودي الالماني بجدة
او ننزل على سوريا والله حالتنا ما بيعلم فيها الا الله
المهم متل ما قلتلكم جوزي دكتور فاجى لعندو دكتور الاخصائي بقلب الاطفال واعد حكى هو وياه ومن يلي حكاه انو وين مارحت فيه نفس التشخيص ونفس الدواء وكان رأيه يبلش بالدواء مباشرة
يتبع